Galicia, terra prometida para as empresas
Máis de 1.600 empresas cambiaron o seu domicilio social na última década para fincarse na comunidade galega, segundo os datos da axencia Axesor.
Máis de 1.600 empresas cambiaron o seu domicilio social na última década para fincarse na comunidade galega, segundo os datos da axencia Axesor.
Axesor, axencia de rating que analiza a evolución nos cambios do domicilio social das empresas en Galicia, comprobou que na última década 1.635 empresas trasladaron a súa sede á comunidade galega, compensando as 1.341 empresas que abandonaron Galicia nese mesmo período. Así, Galicia gañou case 300 empresas con domicilio social na Comunidade Autónoma en 10 anos.
Por unha banda, as empresas que veñen á costa atlántica son principalmente catalás. 279 empresas recolocáronse en Galicia, sendo Castela e León a segunda con 132 firmas. Pola outra banda, as empresas galegas márchanse maioritariamente á capital. Ata 657 empresas teñen a súa sede en Madrid, mentres que Cataluña levou a 149 na última decada.
Con todo, o bo momento económico que vive Galicia e a inestabilidade social e política doutros lugares, caso de Cataluña, beneficiou á comunidade galega, que soubo sacar partido aos medos das empresas e acolleu a un bo número de firmas. Boa mostra diso é o balance deste ano, con 45 empresas que chegaron a Galicia polas 8 que saíron.
Escribe o teu comentario