Outro Balón de Ouro galego?

O galego Pola, xogador do Inter Movistar de fútbol sala, candidato ao premio a mellor xogador de futsal do ano.

Pola, coa selección española de fútbol

Luís Suárez, único español premiado co Balón de Ouro, poida que pronto deixe de estar só no Olimpo do deporte nacional, polo menos na categoría de “Balóns de Ouro españois”. É máis, é posible que non teña nin que cambiar a súa lingua materna para falar co seu novo acompañante. E é que Adrián Alonso Pereira, máis coñecido no parquet como ‘Pola’, pode ser o próximo Balón de Ouro…de fútbol sala. O xogador galego, agora nas filas do Inter Movistar, está nomeado aos ‘UMBRO Futsal Awards’, o equivalente ao Balón de Ouro que entrega ‘Futbolplanet’, na categoría de ‘Mellor xogador’.

O futbolista vigués, ex de o Santiago Futsal entre outros, foi elixido por un comité de expertos xunto aos seus compañeiros de equipo Gadeia e Ricardinho, favorito para alzarse co que sería o seu sexto Balón de Ouro. Da lista, con acento portugués porque salvo Pola todos os xogadores son ou brasileiros ou lusos, se coñecerá o nome do gañador próximo día 30 de decembro. Doutra banda, cabe destacar que o Inter Movistar é o primeiro equipo que achega tres nomees ao rexistro do premio.

💥Grazas, grazas, grazas!
Nomeado a Mellor Xogador do Mundo nos Futsal Awards 2018!https://t.co/ZLVhGFcGLH pic.twitter.com/EeUC6LWRGk

— Adrián Alonso "Pola" (@Pola7Oficial) 9 de decembro de 2018

Hai que dicir que estas liñas esconden unha pequena trampa, porque Javi Rodríguez, Kike e Sergio Lozano, tamén españois, xa foron galardoados no pasado co Balón de Ouro de futsal. Con todo, Pola, gañador dunha Eurocopoa coa selección española, catro ligas e dúas Copas de Europa de clubs, entre outros moitos títulos, pode ser o próximo galego en gañar o Balón de Ouro. Algo que non ocorría desde facía 58 anos. A historia repítese.