A inmensa maioría dos galegos a favor de vetar os coches no centro

Hai votantes de certos partidos que apoian bastante máis as restriciones que outros, pero o sentir a favor de limitar os automóbiles no centro das urbes é maioritario en todo o espectro político

Oito de cada dez galegos están a favor de restrinxir o tráfico no centro das cidades, segundo estudo elaborado por IPSOS a nivel nacional que arroxa que Galicia é a comunidade autónoma que máis apoia a iniciativa de reducir o número de coches que circulan polos centros urbanos.

Entre os enquisados en Galicia, oun 78 por cento apostan por restrinxir o tráfico nas cidades, 15 puntos por encima da media estatal, como recolle o 'Barómetro sobre Neurociencia e Sociedade' levado a cabo por IPSOS a nivel nacional.

Así, o 63% dos españois móstrase a favor da medida. Con todo, as persoas de entre 30 e 39 anos son os menos convencidos de restrinxir o tráfico, cun 47% de detractores.

RESULTADOS POR PARTIDOS E AUTONOMÍAS
Os votantes do PSOE (76%) e Unidos Podemos (73%) apoian maioritariamente esta medida, mentres que no caso de Cidadáns a porcentaxe de apoio é inferior (61%). Tamén o é entre os votantes do PP: os afíns a restrinxir o tráfico no ámbito urbano alcanzan o 52%.

Nos datos por comunidades autónomas, tras Galicia sitúanse Cataluña (65% a favor), Madrid (64%) e Comunidade Valenciana (63%).

Pola contra, os vascos non contan cunha opinión maioritaria neste aspecto, cun 55% da poboación partidaria á restrición do tráfico, fronte ao 45% en contra.