AtalaYa Mining, costa abaixo e sen freos na bolsa

As accións da empresa non atravesan un bo momento no mercado de valores. As sentenzas contra a mineira en Riotinto, ou os estudos de ICOMOS que advirten do risco que correría o Camiño de Santiago de reabrirse a mina de Touro poñen contra as cordas á compañía, que baralla a súa venda por medio de Bank of Montreal. Ademais, se se autoriza a posta en marcha da mina de Touro, a empresa podería explotar as reservas de prata ademais das de cobre.


|

As accións da empresa non atravesan un bo momento no mercado de valores. As sentenzas contra a mineira en Riotinto, ou os estudos de ICOMOS que advirten do risco que correría o Camiño de Santiago de reabrirse a mina de Touro poñen contra as cordas á compañía, que baralla a súa venda por medio de Bank of Montreal. Ademais, se se autoriza a posta en marcha da mina de Touro, a empresa podería explotar as reservas de prata ademais das de cobre.


Terreos da mina de Touro

Terreos da mina de Touro


Atalaia Mining vive un mal momento no que ao seu valor en bolsa refírese. A mineira, que opera na bolsa londiniense, perdeu no último mes ata un 35% do valor das súas accións nunha caída en picado da que non parece que vaia a saír nun futuro próximo. A pesar de que o último informe emitido pola compañía valora positivamente os traballos de explotación que están a levar a cabo tanto en Riotinto como en Touro, onde afirman estar a dar “os últimos pasos” no plano administrativo, os informes negativos das institucións e a máis que posible venda da compañía a Bank of Montreal fan cambalear o valor das accións da empresa.


Especialmente delicada é a situación da mineira en Huelva, xa que a sentenza emitida polo Tribunal Superior de Xustiza de Andalucía anula a autorización ambiental de Riotinto, o que pode paralizar a actividade da mina. Segundo a nota conxunto emitida por ‘Ecoloxistas en acción’, ‘Plataforma veciñal Mina Touro-O Pino NON’ e ‘Contraminacción, as balsas de lodos de Riotinto “están ao bordo da saturación e a tempada de choivas poñeraas en serio risco de rupturas”. De ocorrer iso mesmo na mina de Touro, poderiamos estar a falar de un gran desastre ambiental que podería poñer en serio risco a economía da Ría de Arousa, tal e como reclaman as plataformas contrarias á reapertura da mina.


COBRE E PRATA

Doutra banda, diversas informacións desvelan a estratexia que pretende levar a cabo a mineira en Touro. Aínda que nun principio o plan é a explotación de cobra da zona (en Riotinto proxectan extraer 50.000 toneladas ao ano), a idea é tamén explotar as reservas de prata da zona, tal e como desvelaron os estudos do terreo. O problema é que o tratamento de extracción da prata é moito máis complexo que a do cobre, o que podería engadir novos problemas á lista de riscos ambientais. 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE