O caso contra o presidente da Federación de Fútbol queda en nada

Rafael Louzán salva o seu encontrón coa xustiza grazas a que as investigacións realizadas pola Fiscalía violaron os seus dereitos

A Audiencia Provincial de Pontevedra ditou o arquivo da causa xudicial que investigaba ao ex presidente da Deputación de Pontevedra e do Partido Popular nesta provincia, Rafael Louzán polos supostos sobrecustos nos alugueres de tres baixos na zona de Navia, en Vigo.

Louzán cando era presidente da Deputación de Pontevedra

Nun auto emitido pola Sección Cuarta da Audiencia, ao que tivo acceso Europa Press, acórdase o arquivo nunha resolución que non é firme e contra a que cabe interpoñer recurso de apelación ante o Tribunal Superior de Xustiza de Galicia (TSXG). A Fiscalía xa retirou a súa acusación días atrás.

O TSXG DÁ A RAZÓN ÁS DEFENSAS

A causa seguíase contra Rafael Louzán por un delito continuado de suborno impropio; a súa esposa, Teresa Cores por suborno impropio; e o exdiputado do PP por Pazos de Borbén Severino Reguera por un delito continuado de suborno pasivo.

Este arquivo chega despois de que o TSXG ditase unha resolución na que deixaba sen contido probatorio a causa. Por mor dos recursos presentados polas defensas dos tres investigados, o alto tribunal galego decretou a continuación do procedemento xudicial da causa mantendo os feitos polos que xa se decretou a apertura de xuízo oral, pero baleirando de contido a acusación da Fiscalía de Pontevedra ao anular as probas derivadas das dilixencias de investigación do ministerio público.

Tras ese auto do TSXG, o fiscal do caso, Augusto Santaló comunicou á Audiencia que retiraba a acusación ante a "imposibilidade de utilizar as probas de cargo" xa que ao ser anuladas as súas dilixencias desposúeselle "" da "bagaxe probatorio obtido coa instrución", privándolle desta forma de "acudir ao xuízo cunha proba suficiente para enervar a presunción de inocencia".