A Xunta valora a entrada de persoal de enfermería nas escolas

Os sindicatos de enfermeiros e docentes reclaman ao goberno galego a entrada de profesional sanitario nas escolas para atender as urxencias médicas.

Unha enfermeira nun hospital

O Sindicato de Enfermería, SATSE, e a organización sindical de docentes, ANPE, a través de FSES, reclaman á Xunta de Galicia a entrada de persoal de enfermería dentro dos persoais que integra os centros educativos de Galicia. O obxectivo é que este persoal poida atender aos alumnos ou persoal do centro que necesite atención sanitaria.

No comunicado emitido por SATSE destacan que o labor dos docentes non é atender as urxencias sanitarias dos seus pupilos, mentres que se os centros contan con profesional sanitario cualificado evitaríanse futuros problemas. “Os docentes fan un excelente traballo no ámbito formativo e educativo e o que queremos as enfermeiras e enfermeiros é complementar o seu labor cos nosos coñecementos e capacidades á hora de atender e coidar a unha persoa enferma ou que sofre calquera incidente e tamén en informar sobre hábitos de vida saudables”, sinalou Carmen García Rivas, secretaria xeral de SATSE Galicia.

Na nota tamén se sinala que o labor destes enfermeiros e enfermeiras pode ir máis aló da atención de urxencias sanitarias, que se darían en momento puntuais, senón que poden “desenvolver un óptimo labor informativo no que concierne á promoción e adquisición de hábitos saudables nos nenos e novos”. Ademais, contar con esta clase de servizos tamén proporcionaría un gran alivio aos pais.

De igual maneira, afirmou Xullo Díaz, Presidente de ANPE en Galicia, que outro importante ámbito de actuación sería a “prevención e detección de problemas de saúde física, psicolóxica e/ou emocional”, é dicir, detección temperá de casos de bullying ou desordes alimentarias, por exemplo. Tamén desde as plataformas fan fincapé no baixo custo de contar con este persoal. “Non hai mellor investimento actual e de futuro que a destinada a que os nosos nenos e mozos estean ben atendidos sanitariamente e que saiban o que é bo ou malo para a súa saúde”, sentenza García Rivas.