Os nenos galegos non terán un pedriatra do SERGAS que os atenda sempre

A Xunta introduce unha reforma legal pola que se crea a figura do pedriata de área. O cambio supón que non se pode garantir que o mesmo médico atenda sempre a cada neno, segundo varias críticas lanzadas hoxe por profesionais e políticos.

CRÍTICAS DE CCOO

Desde a Federación de Sanidade de CCOO de Galicia alertan de "un importante retroceso" porque se "rompe a dinámica actual de vincular ás nenos e aos nenos co mesmo profesional". 

Esta central tamén acusa o Goberno do PP desprezar aos médicos. A reforma legal fíxose mediante un proceso non habitual, incluíndoa como parte da Lei de Acompañamento de os  Orzamentos de 2019. "A Xunta mostra unha vez máis o seu desprezo pola opinión dos colectivos profesionais e dos sindicatos representativos, que souberon desta iniciativa polos medios", quéixase o secretario de CCOO-Sanidade, Anxo Cameselle .

CRÍTICAS DE CESM GALICIA

José María Escudeiro, de CESM Galicia, cre que así Galicia "sería a primeira comunidade autónoma na que desaparecería o profesional de Pedriatría de Atención Primaria como existe na actualidade". En opinión deste portavoz desde a Xunta "queren unha persoa polivalente que estea no hospital e en atención primaria". 

Desde CESM denúnciase que "os políticos foron incapaces de atallar o déficit que se coñecía hai tempo". Para este colectivo médicos estamos ante un parche que non liquida o problema e unha traizón aos colectivos de galenos.

CRÍTICAS DESDE A CIG

O sindicato CIG asegura que vén denunciando a falta de pediatras desde 2012. A saída que prepara o SERGAS parécelle que vai crear "máis inestabilidade e explotación laboral".

REUNIÓN ESTA TARDE

A Consellería convocou para esta tarde ás sociedades de pedriatría. A Xunta non dá marcha atrás polo de agora, a pesar das críticas lanzadas tamén desde a oposición.

"A Xunta utiliza os orzamentos para reducir a calidade da atención médica aos nenos" dixo Ana Pontón (BNG) esta mañá. Luís Villares (En Marea) lembra que a figura do pediatra que acompaña aos nenos ata a súa puberdade é "fundamental". "Se o problema que hai é de carencia de pediatras, o que hai que facer é convocar máis prazas", razoa.

Ante o silencio de la Xunta, no PP tentan acougar os ánimos. O seu portavoz parlamentario Pedro Puy chama a "esperar a opinión das asociacións" na reunión desta tarde para estudar "alternativas". O conservador lembra que as solucións están limitadas por "problemas a curto prazo" como  os límites orzamentarios e as poucas prazas de pedriatría que se convocan en o MIR.