Incidente dos escoltas de Albert Rivera nun aeroporto

|

Rivera cs 120818 ep


Todo sucedeu o pasado 7 de outubro ás 15:45. O líder de Ciudadanos, Albert Rivera, tiña planeado tomar un voo con destino a Madrid desde o aeroporto do Prat. Pero no canto de embarcar facendo uso do filtro do corredor aéreo, Rivera preferiu atravesar o arco de seguridade que usan a maioría dos cidadáns.


Con tan mala sorte que cando o filtro de seguridade emitiu unha alarma de control aleatorio, as pretensións de "ser un cidadán máis" desvanecéronse.


Cando os vixiantes de seguridade quixeron realizar ao político unha “proba de trazas” --tal e como establece a normativa europea de seguridade nos aeroportos--, un dos escoltas de Rivera díxolles que non fixesen ningún tipo de control e que el, como axente da Policía Nacional, facíase cargo da situación.


Ante este toque de atención, os vixiantes responderon que se non se realizaba a proba, debían proceder a identificar o axente da Policía Nacional co seu número de placa tal e como establece o protocolo de actuación.


Ese foi o detonante dunha acalorada discusión entre os escoltas e os vixiantes de seguridade que foi denunciada por Alternativa Sindical. Unha vez que Rivera subiu ao avión, os escoltas regresaron ao arco de control e un deles, diante do resto de viaxeiros que esperaba embarcar, increpou aos vixiantes afirmando que “interferiran nun operativo”. O escolta chegou a exclamar: "a próxima vez póñoche os grilletes e lévocte pa' diante”.


CITADOS EN COMISARÍA


Trablisa é a empresa concesionaria que xestiona a seguridade nos filtros de embarque baixo a supervisión da Garda Civil. Tras o incidente, os vixiantes de seguridade remitiron un informe á empresa contando os feitos.


O que seguramente non esperaban é que a Policía Nacional pretendese levar máis aló o incidente ata o punto de ameazarlles cunha posible sanción ou un expediente.


Os traballadores foron citados en comisaría o próximo 25 de outubro ás 9:30 para que ofrezan de novo a súa versión. Un deles falou con Catalunyapress e manifestou o seu desexo de que se impoña a racionalidade neste incidente.


"Nós debemos seguir o que nos marca a Garda Civil", afirma o traballador. Ademais, sinala que pediron á empresa que solicite a AENA o bloqueo das imaxes do día de autos, para testemuñar así que os feitos ocorreron tal cal os narraron nun primeiro momento a Trablisa.


Artigo orixinal publicado en Catalunyapress  


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress