Acabouse a crise? Os salarios dos galegos non soben, estes son os motivos

Por que os salarios dos galegos non se recuperan a pesar de que a crise, en teoría, finalizou? Un dos factores é que sete de cada dez traballan no sector servizos -por exemplo en turismo e hostalería-; e esta área os soldos no canto de crecer, baixan.

Así o apunta do informe Radiografía socioeconómica e laboral de Galicia. Presentouno o sindicato USO esta mañá na capital do país. 

"A pesar de que a subida media dos soldos galegos en 2018 está a ser dun 1,3%, medio punto por encima da media nacional, débese á forte subida dos salarios industriais, dun 6,5%, mentres que en Servizos, con tres de cada catro traballadores en activo, baixaron un 0,5%", argumenta USO.

Unha situación intolerable para a central de traballadores. USO argumenta que a macroeconomía vai ben -o PIB leva crecendo a máis do 3% desde 2015- e os prezos soben. Ante a baixada dos salarios, USO calcula que "os empregados en Servizos perderon un 6,8% de poder adquisitivo con respecto ao IPC".

A investigación encuenta outro motivo para os salarios baixos e o desemprego. Un motivo que ten difícil solución a curto prazo. “Oun 41% dos desempregados non finalizou nin sequera o Ensino Secundario, co que non só non teñen emprego hoxe, senón que é difícil que o poidan atopar nun futuro sen unha formación adicional. Este fracaso escolar en idades temperás debe corrixirse na vida adulta con programas de reinserción ou estamos a falar de futuros nichos de pobreza a moi curto prazo”, lamenta a secretaria de Comunicación e Estudos Sindicais de USO.

Sobre a saída da crise, o Estudo USO - Radiografía socioeconómica e laboral de Galicia mostra que o emprego se recupera a base de precariedade. Os traballos temporais pasaron de ser o 78% do emprego en 2012 a un 73,2% na actualidade.

MÁIS DIFÍCIL PARA As GALEGAS

Outro aspecto da suposta recuperación é que as mulleres se volven a quedar atrás. Durante a crise, os homes perderon propocionalmente máis postos de traballo, o que provocou que a diferenza de xénero reducísese. "Con todo, nos últimos trimestres, co crecemento do emprego, xa se ve que as contratacións volven ter sexo masculino, comezando a despegar de novo a diferenza", apunta USO.