Lidl é o primeiro supermercado en España cuxa leite ten dobre certificado de pastoreo e de benestar animal

|


Vacaslechelacteo 1


Lidl acaba de converterse no primeiro supermercado en España que vende o 100% do seu leite fresco con dobre certificado: de pastoreo e benestar animal, dando así "un paso máis no seu obxectivo de ser a cadea de supermercados referente en consumo sustentable no noso país" tras deixar de vender ovos de galiñas enjauladas e eliminar as bolsas de plástico. 


Este mércores, a cadea anunciou nun comunicado a incorporación do certificado de benestar animal, o que significa que o leite Milbona, marca propia de Lidl, provén de vacas que "por unha banda pastan de forma regular ao aire libre e por outra banda cumpren cos maiores estándares de benestar animal". 


Ademais, o leite fresco que Lidl comercializa en España "provén de máis de 100 grajas familiares en Galicia". Os supermercados buscan impulsar o leite fresco do pastoreo para contribuír a poñer en valor as granxas tradicionais galegas, que "se reduciron nun 75%" por mor da industrialización e concentración do sector. "O valor engadido do produto repercute nuns maiores ingresos para o gandeiro e asegura a rendibilidade das súas granxas".


"Lidl centrouse en promover o consumo de leite fresco e ademais con certificado de pastoreo e benestar animal porque ademais de mellorar a vida da vaca, tamén é máis saudable para o consumidor", sinalan no comunicado. Segundo explica a compañía, as vacas de pastoreo viven máis anos que as de produción intensiva. 


Así mesmo, defenden que o proxecto que iniciaron en 2016 "responde a unha demanda social", porque, continúan, o 94% dos e as consumidoras españolas preocúpanse polo benestar dos animais de granxa. 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress