A mina de Touro ficha a profesores de universidades galegas para que lograr luz verde

Tal e como está o proxecto, non vai saír adiante. Isto é o que lle dixo a Xunta a Atalaya Minning sobre o seu primeiro plan para reabrir a mina de cobre en Touro - O Pino. Agora, a multinacional contrataca presentando novos informes rubricados, entre outros, polo CSIC e departamentos de universidades do país.

Cobre San Rafael, o instrumento a través do cal Atalaya Minning e un grupo local promoven a reapertura, respondeu ás alegacións realizadas no marco do proceso de información pública.

Nun comunicado, a empresa informa de que presentou unha serie de informes técnico-científicos no marco deste proceso, no cal partes interesadas e administracións poden solicitar información adicional.

Respecto diso, defende que o seu proxecto mineiro "atópase en dentro dun proceso administrativo regulado e, por tanto, téñense que cumprir unha serie de fases administrativas con obrigatoriedade máxima tanto por parte da administración autonómica como da empresa".

Así, para a elaboración destes informes apunta que se conta con departamentos específicos das tres universidades galegas, así como do CSIC, Universidade de Oviedo e consultoras independentes.