A Xunta reclamará os "200.000 euros" de gasto sanitario do accidente de Vigo

O vicepresidente da Xunta, Alfonso Rueda, avanzou que o Goberno galego solicitará acudirse na causa que leva o Xulgado de Instrución número 3 de Vigo sobre o accidente ocorrido na celebración do festival de O Marisquiño, o pasado 12 de agosto, no que resultaron feridas 467 persoas.

Ao comezo da súa comparecencia a petición propia no Parlamento de Galicia, Rueda explicou o dispositivo que se activou aquela noite, antes de abordar como tal da celebración do festival de acordo coa Lei de espectáculos públicos de Galicia (que entrou en vigor hai uns meses). Así, describiu o despregamento sanitario do 061 e indicou que o custo alcanza os 200.000 euros, para os que a Xunta se acudirá no xulgado co fin de reclamar unha indemnización por esta contía a quen corresponda.

O vicepresidente da Xunta, que destacou a "actuación impecable" dos efectivos santiarios, tamén indicou que concedeu os reforzos solicitados polo xulgado para investigar esta causa e avanzou que tamén responderá de forma positiva se se reclaman outros apoios duranten a instrución da causa.