Cidadáns anuncia a incorporación de 12 novos grupos locais en setembro
"A nosa evolución e asentamento foi imparable nestes últimos 12 meses en Galicia pasando a día de hoxe os 6.500 inscritos e segue adiante"
Olga Louzao
Cidadáns arrinca o curso político en Galicia coa previsión de incorporar este mes de setembro un total de 12 novos grupos locais en toda a xeografía, o que supón que, no último ano, a formación laranxa haberá crecido un 200% a súa presenza.
A portavoz de Cidadáns Galicia, Olga Louzao, sinalou que a primeira destas incorporacións será a do Porriño, leste mesmo venres. O grupo estará encabezado por Sue Rial.
A esta seguiranlle as de Cambados, Silleda, Sanxenxo e Ortigueira, entre outras. "Todas con equipos moi preparados para gobernar", apuntou Olga Louzao nun curso político clave pola celebración, o próximo mes de maio, das eleccións municipais.
"Nosa evolución e asentamento foi imparable nestes últimos 12 meses en Galicia pasando a día de hoxe os 6.500 inscritos e segue adiante", remarcou Louzao, quen tamén avanzou que outras dez agrupacións de Cs serán presentadas no mes de outubro.
En opinión da portavoz, este "crecemento exponencial" débese a que "cada vez máis persoas descobren en Cs un novo proxecto político que responde aos seus inquietudes e isto tradúcese en que se achegan, queren formar parte porque valoran un partido que chega sen débedas e sen sospeitas de corrupción".
Louzao destaca como un dos "valores fundamentais e claves" para a confianza da xente en Cs é "o traballo ben feito; facer ben as cousas está a dar os seus froitos". Hoxe a estrutura do noso partido chega case ao 80 % da poboación", apostilou Louzao, quen lembrou que as listas municipais coñeceranse no principio do ano no conxunto do Estado.
Escribe o teu comentario