Tenta roubar en varios establecementos de Santiago cunha arma simulada

A Policía Nacional ha procedido o pasado xoves á detención dun home de 41 anos acusado de tentar roubar en varios establecementos do ensanche de Santiago de Compostela.

Segundo informou o corpo, os axentes foron alertados para que se dirixisen a unha farmacia da zona onde, ao parecer, un individuo tentara cometer un roubo con intimidación mediante arma de fogo. Á súa chegada, a dependenta doutro establecemento próximo informou doutro intento de roubo similar.

Grazas á intervención dos axentes, o home foi localizado nas proximidades, portando unha pistola mentres gritaba ás persoas que se atopaban no lugar.

Aproveitando unha manobra de distracción, os policías lograron reducir e inmobilizar á persoa e intervir a pistola, que resultou ser simulada.

Entrando en contacto con veciños da zona, os axentes constataron que o detido é o responsable, presuntamente, de catro intentos de roubo co mesmo modus operandi. O xulgado decretou o seu ingreso en prisión.