Un 'Itinerario profesional' na enfermería "melloraría" as condicións de traballo

O Sindicato de Enfermería SATSE reclama a implantación dun Itinerario Laboral para mellorar as condicións de traballo de enfermeiras e enfermeiros e a organización nos centros sanitarios. 

Así o explica a organización sindical nun comunicado, no que lembra que o Ministerio de Sanidade adquiriu o compromiso de desenvolver este itinerario no Pacto pola Sustentabilidade e Calidade do Sistema Nacional de Saúde de 2013.

Reclaman que se propicie o desenvolvemento de distintas medidas que palíen "en parte a especial penosidad do labor que desempeñan as enfermeiras e enfermeiros ao longo de toda a súa traxectoria profesional". Refírense a quendas, rotacións, gardas, traballo nocturno e en fins de semana ou a permanencia en centros e servizos "especialmente difíciles e penosos" da profesión, que levan un "innegable desgaste físico e psíquico que se vai acrecentando co paso dos anos". 

Así as cousas, propoñen unha redución individual do número de fins de semana, noites ou gardas anuais a traballar "en función de determinados criterios"; un estudo exhaustivo dos postos de traballo; e a participación da enfermería ene l deseño dos centros, organización e espazos de traballo, entre outras cousas.