A Coruña acolle o campionato internacional de roller derby feminino
Esta competición, que organiza a Asociación Feminina de Derby de Pista Plana (WFTDA), ten lugar fóra dos Estados Unidos por segunda vez
A Coruña acollerá do 31 de agosto ao 2 de setembro un torneo internacional de Roller Derby, segundo informou o concelleiro de Culturas e Deporte, José Manuel Sande.
Fíxoo acompañado de representantes do equipo coruñés de Roller Derby 'As Brigantias', que exercerá de anfitrión nun dos playoffs deste torneo dun deporte feminino de contacto con patíns.
Esta competición, que organiza a Asociación Feminina de Derby de Pista Plana (WFTDA), ten lugar fóra dos Estados Unidos por segunda vez.
Na presentación, Sande lembrou que A Coruña xa acolleu este ano o Campionato de España de Patinaxe, o europeo absoluto de hockey sobre patíns e o torneo de seleccións autonómicas desta última disciplina.
Escribe o teu comentario