Os servizos mínimos de axentes forestais e ambientais en folga manteranse

O Tribunal Superior de Xustiza de Galicia (TSXG) denegou a modificación de servizos mínimos na folga de axentes forestais e ambientais.

O cambio, como medida cautelar, foi solicitado polos sindicatos convocantes da folga, CIG e UXT, que criticaron os servizos mínimos do 100% para os axentes forestais por "abusivos" e do 20% para os ambientais por "razóns de seguridade".

A sala do contencioso-administrativo emitiu este xoves un auto co que apunta que contra esta decisión cabe recurso de reposición no prazo de cinco días desde a notificación.

Precisamente este xoves, os axentes forestais e ambientais volveron a criticar os mínimos impostos e advertiron á Administración de que, ante o que consideran un "menosprezo", seguirán "a loita", co paro indefinido dos axentes forestais e avaliando xa se iniciar o dos ambientais, que foi suspendido.