O persoal do 061 e a Central de Chamadas anuncian mobilizacións polo traslado á Estrada

|

061accidenteporrio


"Ante a falta de avances nas negociacións do traslado ao Centro de Atención de Emerxencias no concello da Estrada", a Xunta de Persoal do 061 e o Comité de Empresa do Grupo Norte da Central de Coordinación da Fundación Pública Urxencias Sanitarias 061-Galicia anunciaron mobilizacións para este mes de xullo "de persistir a situación". 


Así informa a Confederación Intersindical Galega nun comunicado emitido este venres, onde denuncian que "non se pode garantir" que os plans de traslado facilitados na última reunión leven a cabo "coas debidas garantías para un servizo destas características". 


A Xunta de Persoal e o Comité de Empresa lamentan que o Sergas aprazase " as negociacións ata o último instante". "Non se sabe, a día de hoxe en que quenda de traballo do día 2 de outubro farase o cambio; non se ten contemplado o número de recursos humanos necesarios o día do traslado, nin se se duplicarán as quendas, e non existe un plan de probas previo", denuncian. 


Así, e aínda á espera de que o Servizo Galego de Saúde mova ficha ou, pola contra, que as asembleas de traballadoras e traballadores referenden os paros, planean as primeiras mobilizacións en meses "tan críticos como son xullo e agosto". Esperan que "as grandes repercusións" que poidan xerar leven ao Grupo Norte e ao Sergas para abandonar "o seu inmobilismo" e que poñan "do seu parte para chegar a un acordo beneficioso" para todas. 


Desde a CIG explican que o persoal do 061 e da central de chamadas tivo coñecemento de que outros colectivos teñen compensacións que multiplican as súas, "algo que creou bastante malestar entre o cadro de persoal". 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress