A Marea Feminista analiza as violencias machistas nos movementos de esquerdas

|

Casa do matadoiro

Casa do Matadoiro | Imaxe: matadoirocompostela


O sábado 14 de xullo a Casa do Matadoiro de Santiago de Compostela acolle unha xornada de análise, prevención e deconstrucción das violencias machistas nos movementos de esquerda organizada pola Marea Feminista. 


A investigadora e activista feminista do País Vasco, Tania Martínez Portugal, será a relatora da xornada 'Tecendo espazos seguros. Activismo e violencia sexista", que comezará ás 11.00h cun coloquio aberto mixto con colectivos, que se continuará pola tarde cun conversatorio non mixto. 


"A violencia machista é algo estrutural e que afecta a todos os ámbitos nos que nos movemos, tamén ás organizacións políticas e movementos de esquerdas", di a Marea Feminista nun comunicado. Así, explican que ven necesario traballar para facilitar espazos seguros e igualitarios, "analizando, debatendo e maquinando propostas construtivas para que as violencias machistas non teñan cabida en ningún dos nosos ámbitos". 


Marea Feminista convidou a diversos partidos políticos vinculados a En Marea, ademais da todas as deputadas e deputados da formación e diversos colectivos e movementos de esquerda, así como a todas aquelas persoas que estean interesadas na temática. 


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress