Feijóo evita apoiar á Valedora tras a sentenza na súa contra

Por se non o tiña claro, a Valedora do Pobo sabe desde esta mañá que o seu posto está no aire. O líder da maioría parlamentaria evita darlle o seu apoio e esíxelle explicacións. Toda a oposición xa pediu a súa dimisión tras a sentenza que probou que enchufou a irmá de Pedro Puy, o portavoz parlamentario do PP. 

Milagres Otero no seu despacho

O presidente da Xunta, Alberto Núñez Feijóo, cre que a valedora do Pobo, Milagros Otero, "debe dar explicacións" en sede parlamentaria despois da sentenza que anula un nomeamento para o que intercedeu.

Así o dixo Núñez Feijóo a preguntas dos xornalistas este luns despois de reunirse cun dos candidatos para liderar o PP, José Ramón García-Hernández.

En concreto, a sentenza da Sala do contencioso administrativo do TSXG anula o nomeamento da xefa de servizo de persoal pola que intercedió a valedora, á que o tribunal atribúe un "desvío de poder" e unha actuación con "arbitrariedade" en favor da persoa seleccionada para o posto, coa que garda relación.