Os axentes advirten que irán á folga en plena tempada de incendios
Tras meses de advertencias e anos de reivindicacións, os axentes forestais e ambientais da Xunta de Galicia dan un paso ao fronte. Se non hai acordo, a partir do 1 de agosto folga indefinida. Unha pataca moi quente para o Goberno, pois moitos deles son os que dirixen a extinción dos incendios forestais.
Tras meses de advertencias e anos de reivindicacións, os axentes forestais e ambientais da Xunta de Galicia dan un paso ao fronte. Se non hai acordo, a partir do 1 de agosto folga indefinida. Unha pataca moi quente para o Goberno, pois moitos deles son os que dirixen a extinción dos incendios forestais.
Os axentes forestais e ambientais de Galicia farán folga os próximos 25 e 26 de xullo, en plena campaña de alto risco de incendios, para esixir que a Xunta chegue con eles a un acordo de renovación das súas condicións laborais, "caducas e obsoletas" desde hai anos.
Protesta dos axentes fronte á sede do Goberno Galego
Ademais, se a partir de entón non recibiron un documento que vexan aceptable (a proposta polo momento considérana "unha verdadeira tomadura de pelo"), convocarán folga de carácter indefinido a partir do 1 de agosto.
Así o decidiu este colectivo nunha asemblea celebrada este xoves na chaira da estación de autobuses de Santiago, antes de manifestarse fronte ao complexo administrativo de San Caetano.
Escribe o teu comentario