Música viguesa para presentar o SilFest
A cita, que terá lugar entre o 19 e o 21 de xullo no Barco de Valdeorras, está patrocinada polo Consello Regulador da Denominación de Orixe Valdeorras, que preparou numerosas actividades para que as persoas asistentes poidan mergullarse nos viñedos da zona
Concerto SilFest 2016 | Imaxe: Silfest
Sálgaa Radar de Vigo acolle este venres 15 a presentación do festival SilFest Valdeorras amenizada pola actuación da banda viguesa Kings Of The Beach, unha primeira toma de contacto para a terceira edición do festival ourensán.
A cita, que terá lugar entre o 19 e o 21 de xullo no Barco de Valdeorras, está patrocinada polo Consello Regulador da Denominación de Orixe Valdeorras, que preparou numerosas actividades para que as persoas asistentes poidan mergullarse nos viñedos da zona, como visitas guiadas a adegas, cursos de maridaxe, ou catas de viño con música ou poesía, entre outras. O concello da localidade e a Deputación de Ourense son os outros dous patrocinadores principais.
O director do festival Primavera de Cinema e Galician Freaky Filme Festival, Juan de Castro, será o encargado de avanzar os pormenores do SilFest, un evento que se autodefine como multicultural con fusión de música, gastronomía, viño, poesía, cinema e actividades infatiles.
O cartel está encabezado polo grupo de indie pop Varry Brava, o rockeiros Diñeiro, Grises, Nunatak, The Parrots ou Fachendoso, e este ano inaugúrase o Mini Silfest, a versión infantil coas actuacións de Magín Branco e Kote Malabar.
Escribe o teu comentario