UGT convoca mobilizacións en denuncia do despedimento de todos os vixiantes da fábrica de armas da Coruña

O sindicato UGT denunciou o despedimento "da totalidade dos vixiantes" da fábrica de armas da Coruña e anunciou a convocatoria de mobilizacións, que comezarán este mércores cunha protesta ante o edificio da Xunta en San Caetano.


|

Hercules armamento armas coruu00f1a

Fábrica de Armas | Imaxe: Hércules de Armamento


O sindicato UGT denunciou o despedimento "da totalidade dos vixiantes" da fábrica de armas da Coruña e anunciou a convocatoria de mobilizacións, que comezarán este mércores cunha protesta ante o edificio da Xunta en San Caetano.


Nun comunicado, afirma que a actual concesionaria do servizo, Tepol Seguridade, "procedeu no día de hoxe á entrega das cartas de despedimento a todos os vixiantes". En concreto, explica que a empresa, que era concesionaria do servizo desde outubro de 2017, "argumenta a falta de pagamento por parte de Hércules de Armamento de máis de 200.000 euros".


UGT lembra que xa denunciou a existencia de falta de pagamentos ás anteriores concesionarias do servizo e engade que os 9 traballadores "que levaban na súa maioría máis de 25 anos encargándose da seguridade da fábrica, xa denunciaran a falta de pagamentos das súas nóminas".


O sindicato avanza que solicitará a nulidade dos despedimentos, ademais de anunciar mobilizacións deste colectivo, que comezarán o mércores 13 de xuño, ás 11,30 horas, en San Caetano, coincidindo coa concentración convocada por UGT Seguridade Privada.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE