Máis de 177.000 quilos de alimentos no 'Maio solidario' de Gadis

Supermercados Gadis recolleu 150.600 quilos de alimentos non perecedoiros durante a campaña 'Maio solidario', un 8,5% máis que en 2017, e que xunto aos 27.200 quilos da súa achega directa, marcaron un novo récord na sexta edición da campaña. Así, 177.800 quilos de alimentos hanse distribuído a 12 bancos de alimentos de Galicia e Castela e León. 

A compañía relaciona a mellora ao chamamento de Gadis, "apoiado pola xenerosidade dos seus clientes e a implicación tanto dos voluntarios dos bancos de alimentos como dos seus empregados", aseguran nun comunicado. Tamén aumentou o número de organizacións coas que colabora, "para abarcar o maior número de persoas posible, sempre baixo o obxectivo de lograr unha maior eficacia e equidade na repartición", subliñan. 

No últimos seis anos, 'Maio solidario' recadou un total de 804.500 quilos, unha campaña enmarcada no seu programa de Responsabilidade Social Corporativa.