Un investigador galego premiado pola súa análise de sentimentos nas redes sociais

O investigador David Vilares

O vigués David Vilares Calvo foi galardoado cun dos seis Premios de Investigación da Sociedade Científica Informática de España - Fundación BBVA a mozas investigadoras de toda España. O seu traballo céntrase na análise de sentimentos nas redes sociais. 

En enxeñeiro informático de 28 anos foi aclamado polas súas "destacadas contribucións á investigación en técnicas e algoritmos para o procesamento da linguaxe natural, con especial énfase na súa aplicación á análise de sentimentos en redes sociais" pola Fundación BBVA. 

"O procesamento da linguaxe natural", explica Vilares, "é a área de investigación que se ocupa de que as máquinas poidan interpretar o que dicimos e de que poidan comunicarse connosco". O vigués puntualiza que a Análise do Sentimento é unha pequena parte desta área, e busca entender automaticamente as emocións expresadas na internet. 

As aplicacións da Análise de Sentimento son múltiples, e corresponden tanto ao ámbito comercial como ao social. Permite establecer comparacións entre produtos que esteamos interesadas en comprar, "baseándose en opinións existentes de usuarios que xa o compraron". A partir desta observación pódese medir "o grao de apoio ou rexeitamento que certos eventos, casos mediáticos ou decisións políticas teñen entre a sociedade", segundo explica o investigador. 

Devandita análise serviría tamén, a longo prazo, para mellorar a intelixencia artificial e a interactuación entre persoas e máquinas.