​Piden o cesamento dun cargo da Xunta por ocultar información sobre a Mina de Touro

|

Máis de 30 colectivos acusan á Xunta de “obstaculizar o acceso á información pública” sobre o polémico proxecto de reabrir a mina de Touro. En concreto, acusan o goberno de ocultar os datos sobre o estado dos dereitos mineiros, que son a base legal pola que Atalaya Minning -a través de Cobre San Rafael- pretende activar a explotación.



Alberto Lavandeira, á esquerda, nunha sondaxe para reactivar a mina de Touro

Sondaxes na mina de Touro



Os denunciantes din que solicitaron no seu momento á Xefatura territorial da Coruña da Consellería de Industria o acceso á documentación relativa aos dereitos mineiros de Touro, se éxito. Ante a “vulneración flagrante dos seus dereitos”, piden o cese do xefe territorial do departamento de Minas na Coruña, Isidoro Martínez Arca.


Fai falta lembrar que un organismo dependente da ONU acaba de abrir expediente a España precisamente por isto, por negar o acceso á información sobre proxectos mineiros en Galicia.


COLECTIVOS DENUNCIANTES


Entre os colectivos denunciantes están a Plataforma en Defensa da Ría de Arousa, a Confraría de Pescadores San Xulián da Illa de Arousa, a de Rianxo, a do Grove, a da Pobra do Caramiñal, Cambados, Vilanova de Arousa , Cabo de Cruz e confrarías de produtores de mexillón como a de Cambados e o Consello Regulador de Galicia, Adega, Petón do Lobo e a FRUGA. Os opositores á mina lembran que na documentación pública ”non figuraba ningunha relativa á vixencia e acreditación do estado do citado dereito mineiro”. 


Aseguran que a Xunta “supedita o acceso á información das persoas lexitimadas durante un prazo limitado a 15 días e de forma presencial, baixo a supervisión de de os funcionarios e condiciona o acceso ao visto e bó do titular dos dereitos mineiros, isto é Atalaya Mining e Explotacións Galegas” cando a lei establece que estes datos deben ser públicos na internet. 

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress