Caballero: "Parece que o Celta non xoga en Galicia"
O Concello de Vigo segue rascándose o peto en modernizar Balaídos a pesar da guerra desatada polo presidente do Celta, Carlos Mouriño, que conta co apoio do PP e do Goberno Galego.
O Concello de Vigo segue rascándose o peto en modernizar Balaídos a pesar da guerra desatada polo presidente do Celta, Carlos Mouriño, que conta co apoio do PP e do Goberno Galego.
Caballero e Mouriño nun acto cando as relacións non estaban rotas
NOVAS OBRAS EN BALAÍDOS
Hoxe a Xunta de Goberno Local do Concello de Vigo adxudicou, por 680.000 euros, o proxecto técnico para a reforma das bancadas de Gol e Marcador, e a construción dun aparcadoiro subterráneo no estadio municipal de Balaídos.
Así o confirmou en rolda de prensa o alcalde olívico, Abel Caballero, quen sinalou que o adxudicatario foi o estudo de Pedro de la Puente, que ten oito meses para realizar o proxecto.
O financiamento da redacción do proxecto enmárcase nun convenio de colaboración asinado entre o goberno local e a Deputación de Pontevedra, que inclúe tamén 350.000 euros para renovar os asentos na bancada de Río Baixo.
Así, salientou, "só nas obras" de reforma do estadio, investíronse xa case 13 millóns de euros, por parte de Concello e Deputación provincial, mentres que a Xunta puxo "cero euros". "Parece que o Celta non xoga en Galicia", ironizou o alcalde.
Escribe o teu comentario