As mariscadoras da ría de Cedeira chegan á pantalla do festival de Málaga (VÍDEO)
'O ceo é o noso teito', curta documental escrita e dirixida por Carlos Cazurro (Valladolid, 1975), foi seleccionada na sección oficial a concurso do Festival de Cinema de Málaga, dentro da súa categoría 'Afirmando os Dereitos da Muller'
As mariscadoras de Cedeira chegan ás pantallas do Festival de Cine de Málaga. O Ceo é o Noso Teito é a curtametraxe documental de Carlos Cazurro (Valladolid, 1975) que compite na sección oficial a concurso dentro da categoría 'Afirmando los Derechos de la Mujer'.
A sección oficial proxectará 166 películas entre as que se contará co traballo do valisoletano, que competirá con outros 10 títulos dentro da súa categoría.
O ceo é o noso teito é unha curta documental que conta a loita das mulleres mariscadoras de Cedeira, a través das voces das súas protagonistas.
Esta é a ópera prima de Carlos Cazurro como realizador audiovisual, que empezou a rodalo en marzo de 2013 e terminou de montar e estreou en xuño de 2017, após un 'crowdfunding'.
Así, proxectarase en pase único o venres 20 de abril ás 17,00 h no Centro Cultural Maria Vitoria Atencia. A entrada será libre ata completar o aforamento.
Escribe o teu comentario