Protestas contra "despedimentos inxustificados" en supermercados Froiz

Despois de 12 anos na empresa Froiz unha operaria foi despedida, ao coller sete meses de baixa médica. Isto é o que denunciaron hoxe traballadores e representantes da CIG en Ferrol

A empresa alegou baixo rendemento para deixarlle sen traballo despois de que a asalariada gozase da obrigada baixa, de acordo á central. Froiz por agora non respondeu ás acusacións do sindicato.

Protestas en Ferrol contra "despedimentos inxustificados" en supermercados Froiz

Os sindicalistas quéixanse de que na cadea de supermercados galega os despedimentos arbitrarios son frecuentes, polo que outro grupo protestou na zona de orixe da cadea, en Pontevedra. "A unha empresa como Froiz que saca inxentes beneficios á conta do traballo do seu cadro de persoal non se lle pode consentir que despida a unha traballadora por coller unha baixa", conclúe a sección de Servizos da comarca de Ferrolterra.