A Garda Civil pon no seu punto de mira ás furgonetas de paquetería

Controlar que os repartidores non exceden o peso, circulan á velocidade adecuada e conducen libres de alcol e outras drogas. Esta é a finalidade dunha nova campaña de Tráfico.

A Garda Civil de Lugo desenvolveu os días 10 e 11 de abril na autovía A-6 un dispositivo operativo para a supervisión e verificación da circulación de vehículos mixtos, furgonetas e furgóns de transporte de paquetería.

Como resultado, informou o corpo, detectáronse 16 infraccións por exceso de velocidade a vehículos deste tipo. Ademais, propuxéronse para sanción outras 20 infraccións relacionadas con este tipo de transporte, cinco delas por exceso de peso.

Dentro deste mesmo dispositivo comprobouse que un dos condutores identificados carecía de permiso de conducir ao perder leste a vixencia por esgotar os puntos.

Así mesmo, os axentes realizaron seis probas para detectar a presenza de drogas no organismo, unha das cales resultou positiva pola presenza de cocaína e THC.