Festival contra a mina de Touro

|

Os veciños de Touro seguen mobilizándose contra a mina que Atalaya Minning pretende reabrir. Nesta ocasión a protesta terá carácter festivo, a través dun festival previsto para o 5 de maio. Por outra banda, haberá unha charla informativa nos próximos días mentres novos concellos seguen pronunciándose en contra do polémico proxecto.


Protesta en Touro contra a futura mina de cobre


En Bama, parroquia veciña á mina, está prevista a actuación de sete grupos de música de raíz da comarca: Os do Xalo, Reviravolta, Fiadeira, Fedellos e VouVirVouVer. A celebración empezará ás 18 horas no campo da festa.


A organizadora é a Plataforma Veciñal Mina Touro O Pino Non, un dos grupos máis activos contra o proxecto da multinacional. Desde o colectivo anímase a participar en "esta xornada festiva contra a mina" e pídese a colaboración da cidadanía para completar o cartel do evento.


Ademais, a Platorma continúa co seu labor de concienciación. Por exemplo, organiza unha charla informativa para os propietarios veciños , que poderían ser expropiados no caso de que a Xunta autorice a reapertura e non cheguen a un acordo amigable con Atalaya Minning. A charla será impartida por Calixto Escariz Avogados o venres na Casa dá Cultura de Arca.


No aspecto político, nos últimos días Carnota sumou o seu nome á lista de concellos que xa se posicionaron oficialmente contra a mina.

relacionada ​“Coñecemos de primeira man a impunidade das mineiras”, denuncian veciños da mina de Touro
relacionada Os veciños de Touro responden as mineiras: "A balsa filtra e o río está morto" (VÍDEO)

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress