Accidentes, incluída unha colisión múltiple na AP-9, pola saraiba

|

Unha tromba de saraiba que caeu en distintos puntos da Comunidade na tarde deste martes causou varios accidentes de tráfico e importantes retencións na autoestrada AP-9 preto de Santiago, onde chocaron ata sete vehículos.


Saraiba

Saraiba provocou accidentes na AP9, nunha foto dá TVG

Segundo a información da Central de Atención a Emerxencias 112-Galicia, sobre as 17,00 horas da tarde unha forte tromba de saraiba causou varios accidentes simultáneos en torno ao quilómetro 53 da AP-9, en Sigüeiro (A Coruña), en ambos os sentidos de circulación.


En concreto, en sentido A Coruña chocaron cinco coches, entre os que se atopaba un camión; e, pouco despois, outros dous en dirección a Santiago de Compostela.

En Oroso foron sete os coches que chocaron, unha colisión que se saldou cunha persoa atrapada nun dos turismos. Así, foi necesaria a intervención dos Bombeiros para excarcerar á vítima, que foi trasladada polo 061 a un centro hospitalario con feridas de consideración.

A Garda Civil de Tráfico desprazouse ata a zona para coordinar a circulación, dado que se rexistraron importantes retencións. A última hora, segundo a DXT, continúa pechado o carril esquerdo, polo que o tráfico segue condicionado.

A CAÑIZA E SAN CRISTOVO DE CEA
Así mesmo, na localidade pontevedresa da Cañiza rexistrouse unha colisión por alcance entre catro turismos na A-52, en dirección a Ourense, tamén a causa da saraiba. O accidente tivo lugar á saída dun túnel.

A causa do accidente, dúas persoas necesitaron asistencia médica, aínda que as súas lesións eran de carácter leve.

Tamén en San Cristovo de Cea, en Ourense, a saraiba provocou pasadas as 14,00 horas unha cadea de accidentes con, polo menos, seis vehículos danados e unha persoa ferida. Os sinistros rexistráronse, con apenas un par de minutos de diferenza, na AG-53, en torno ao quilómetro 70, en ambos os sentidos de circulación.

Ademais dos accidentes, varios particulares puxéronse en contacto co 112-Galicia para informar de que a circulación pola AG-53 era complicada e que moitos condutores estaban a deter a marcha.

CINCO COCHES ACCIDENTADOS NO CORGO  
A provincia de Lugo tamén se viu afectada pola saraiba. En concreto, a A-6, ao seu paso polo Corgo, rexistraba ao mediodía unha colisión entre cinco vehículos en dirección a Madrid.

Nesta ocasión, informa o 112, dúas persoas tiveron que ser atendidas por un equipo do 061 por mor das lesións provocadas polo golpe, aínda que non revestían gravidade.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress