Chega o 'Wikimaratón' a Ourense para introducir na Galipedia biografías de mulleres galegas

|


Ourense wikimaraton

Fonte: Ourense.gal

A Galipedia está de celebración no seu 15º aniversario. Enmarcado no programa do Día da Muller, a Biblioteca Pública de Ourense levará a cabo este sábado o ‘Wikimaratón’, evento no que se introducirán na Galipedia biografías de distintas mulleres galegas, co fin de dar a coñecer e valorar a figura de mulleres destacadas pero ausentes na gran enciclopedia galega da internet.


O alcalde de Ourense, Jesús Vázquez, presentou a actividade manifestando o perigo de que moitas mulleres caian “no esquecemento sen que ninguén escriba sobre elas”. A xuízo do rexedor, o ‘Wikimaraton’ consolídase como “un acto de xustiza social e un paso importante para o futuro do país”.


E é que, actualmente, a Galipedia tan só conta con referencias de 52 mulleres galegas, unha cifra nimia que lonxe se atopa de reflectir a enorme importancia e o indiscutible talento que moitas mulleres achegaron a Galicia ao longo da súa historia.


Por este motivo, a Biblioteca Pública de Ourense poñerá ao servizo de todas as persoas que queiran anotarse ao evento ordenadores e fondos bibliográficos. Desde as 10.30 horas, todos aqueles que desexen participar poderán facelo na propia biblioteca ou desde as súas casas, seguindo as indicacións necesarias descritas en Wikipedia.

relacionada A elite do negocio musical debaterá en Galicia
relacionada Isabel Coixet rodará en Galicia unha película sobre o matrimonio entre mulleres

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress