Aer Lingus reinicia a súa ruta directa de Santiago a Dublín

Aer Lingus relanzará a súa ruta directa de Santiago de Compostela a Dublín a partir do 27 de marzo, segundo informa a compañía de baixo custo.

A operativa da ruta reiniciarase, segundo apunta, con tres frecuencia semanais en marzo, que despois se incrementarán a medida que avanza a tempada alta, ata chegar a cinco durante o verán.

En total, Aer Lingus opera 21 rutas directas desde España, con voos directos a Dublín e a Cork desde distintas localidades e tamén a Shannon desde Málaga. Tamén ofrece conexións a outros puntos do mundo.