Un narco ameaza a "Fariña" por unha escena de sexo

|

Fariña, nova serie de Antena 3, finaliza a súa rodaxe


'Fariña' non se baixa da onda mediática. Tras o secuestro xudicial do libro, a noticia de que a Sito Miñanco atopáronlle en guión da serie cando o detiveron ... agora únese o outro gran nome do narcotráfico galego, Laureano Oubiña, molesto por unha escena de cama na serie que acaba de estrear Antena 3.


Oubiña ameaza con emprender accións legais contra a produtora da serie 'Fariña' tras introducir unha escena de sexo entre el mesmo e a súa muller, Esther Lago (xa falecida), no primeiro capítulo da ficción baseada no libro homónimo, emitido esta semana.


Segundo trasladaron a Europa Press fontes próximas a Oubiña, o coñecido narco prevé enviar requirimentos "a semana que vén" á produtora, en concreto Bambú Producións, para informar os responsables de que se reserva "as accións legais oportunas" pola "vulneración do dereito á imaxe e á intimidade".


2018030214484425023


Neste requirimento, engaden as mesmas fontes, informarase á produtora das posibles consecuencias sobre a "vulneración destes dereitos", como a posible solicitude dunha indemnización polos danos á imaxe do propio Oubiña.

"Falei co señor Oubiña onte e mostrábase, desde logo, moi afectado polas imaxes que saían", asegurou, entendendo que, cando unha produtora decide impulsar unha serie, "habería que contar" coas persoas sobre as que se fala e que aparecen "con nomes e apelidos".

A pesar diso e "por prudencia", as accións legais permanecerán en estudo, dado que a serie aínda non foi emitida na súa totalidade, aínda que o proceso podería levar a unha demanda pola vía civil e pola vulneración do dereito á imaxe e á intimidade, coa petición de indemnización correspondente.

As mesmas fontes sinalaron que tamén se prevé enviar requirimentos á editorial que publicou a obra homónima de Nacho Carretero, na que está baseada a propia serie, advertindo de que o libro "está a venderse de forma abundante" a pesar das medidas cautelares solicitadas polo exalcalde do Grove (Pontevedra) José Alfredo Bea Gondar, quen demandou en xaneiro ao autor e a 'Libros do KO' por suposta vulneración do seu dereito á honra.

relacionada 'Fariña', o libro que pode ser secuestrado, dispoñible gratis e pagando por Internet

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress