O'MEGA reprocha ao Sergas que pretenda "aprobar a peor carreira profesional de toda España"

O sindicato médico O 'MEGA denunciou este xoves que o Sergas "pretende aprobar a peor carreira profesional de toda España" e asegurou que "pretende facelo coa firma das forzas sindicais".

Así o manifestou, nun comunicado de prensa, en relación ás negociacións da carreira profesional para os facultativos de Galicia, no que mostrou o seu "máis absoluta repulsa ante os intentos que se están realizando para, unha vez máis, recortar os dereitos laborais e salariais do colectivo de facultativos da sanidade pública".

Neste sentido, lembra que "Galicia é a única autonomía que non ten pautada a carreira profesional, pendente desde hai unha década" e manifestou que "a apertura da negociación actual é froito dunha convocatoria de folga que propiciou a firma dun preacordo para abrir a Mesa Sectorial".

O 'MEGA defende unha "carreira profesional digna" que permita aos facultativos galegos situarse "no mesmo nivel que as doutras comunidades autónomas". "Visto así, a negociación debería transcorrer de maneira pacífica, pois dado que somos os últimos de España, bastaría o buscar unha carreira profesional dalgunha autonomía e adaptala ás peculiaridades de aquí", expuxo. "Gustaríanos que fose a mellor de todas, pero non quereriamos, nin aceptariamos, que fose a peor", advertiu.

"ESQUECERON O FALADO"

"Os máximos responsables do Sergas, unha vez sen a presión da convocatoria de folga, esqueceron o falado e aos poucos presentáronnos unha carreira profesional que supón un retroceso das nosas expectativas, indo máis aló debido a que supón un recorte nos nosos dereitos laborais e económicos", advirte o sindicato.

Neste sentido, o sindicato denuncia que "estes responsables foron buscando as partes máis prexudiciais para os facultativos en todos os capítulos da negociación, chegando a recoller medidas represivas xa rexeitadas en toda a nación".r a presenza do señor Roda nas nosas futuras negociacións", conclúe.