Baltar quere manter no cargo ao alcalde condenado por prevaricador

|

O actual alcalde de Xinzo contratou a persoas a dedo e ante a Xustiza alegou que o non lía o que asinaba. Acábana de caer 8 anos de inhabilitaqción pero ao líder do PP de Ourense, partido polo que se presentou, non lle parece motivo suficiente para que dimita inmediatamente.


Alcaldexinzodelimiaantonioperezrodriguez


O PP de Xinzo estudará este venres o apoio que mantén o alcalde deste municipio ourensán, Antonio Pérez, condenado a oito anos e medio de inhabilitación por un delito de prevaricación continuada. O rexedor, que se presentou nas listas populares, foi suspendido de militancia cando se abriu xuízo oral e actualmente é alcalde como concelleiro non adscrito co apoio do que era o seu grupo.


Este xoves, e ao ser preguntado por esta cuestión, o presidente da Deputación de Ourense, Manuel Baltar, apelou á presunción de inocencia mentres non haxa sentenza definitiva, á vez que lembrou que Pérez "xa non é militante do partido".


Ademais, insistiu en que a súa "postura de sempre" e dixo que en España "a presunción de inocencia é un valor fundamental que hai que crer e defender sempre". Por iso chamou a esperar a decisión de Pérez "que ten a posibilidade de recorrer" para ver a decisión final da Xustiza.


Nesta liña, lembrou que "houbo casos" de alcaldes sentenciados en primeira instancia "que foron absoltos en segunda instancia".


PETICIÓN DA OPOSICIÓN


A postura de Baltar choca frontalmente coas reclamacións dos portavoces da oposición no Concello de Xinzo (que contan con oito deputados fronte a outros tantos do PP), que reclamaron a dimisión inmediata do rexedor.


Así, a portavoz do PSOE no Concello de Xinzo (4 concelleiros), Elvira Lama, pediu a dimisión inmediata do rexedor e cominoulle a que no caso de que presente recurso de apelación "fágao desde fóra da alcaldía".

Para Lama, o alcalde debería abandonar o seu cargo "para non facer máis dano ao concello nin á Democracia", tras a "contundente sentenza".


Na súa opinión a condena faise eco do "alegado demoledor da Fiscalía" en relación a que Pérez "usaba o seu cargo no seu beneficio e no da súa xente". A Fiscalía solicitara unha "condena exemplar" de dez anos de inhabilitación.

Por parte de Xinzo Adiante (3 concelleiros), considérase que "a única saída digna" que queda ao rexedor é "a dimisión" tras a sentenza que lle condena por prevaricación. O seu portavoz, Manuel Pérez Campos, considera que o rexedor "debería dimitir de forma inmediata, aínda que presente un recurso".


Para o portavoz do grupo independente "o recurso probablemente non cambiará nada porque a sentenza era previsible e a prevaricación estaba clara como a auga". Pérez Campos confirmou que a oposición se reunirá para solicitar un pleno extraordinario que clarifique "que vai pasar coa alcaldía".


BNG: "ÚNICA SAÍDA, A DIMISIÓN"


Mentres, o representante do BNG, Ramiro Rodríguez, incidiu en que "a única saída que queda" ao rexedor é "presentar a súa dimisión" e lamentou que esta non se produciu antes "porque estaba moi claro cal ía ser a sentenza".


Ademais, o nacionalista derivou "responsabilidades" a Manuel Baltar, ao que lembrou que "aínda que o rexedor xa non pertencía ao partido, pero como alcalde esta sostido polos concelleiros do Partido Popular". "Esta maña xa non nos vale como escusa. É hora de que tome algunha decisión respecto diso", abundou o nacionalista.


VALORACIÓN DA ACUSACIÓN POPULAR


"Recorra ou non recorra, o expartido do alcalde (PP), que hai tempo que o abandonou á súa sorte, probablemente xa teña decidido quen vai ser o seu sucesor", sinalou a CIG.


O sindicato, que exerceu a acusación popular alerta de que Antonio Pérez "non é o único nin máis importante gobernante popular que incorre neste tipo de comportamento" na provincia de Ourense. Así, referiuse ás propias palabras do acusado durante o xuízo nas que expresou que "durante a súa etapa como alcalde fixo o que viu e constatou que facían outros".


A SENTENZA


O Xulgado do Penal número 1 de Ourense condenou ao alcalde de Xinzo a oito anos e medio de inhabilitación especial para emprego ou cargo público por considerarlle autor dun delito continuado de prevaricación pola contratación de varios traballadores para o Concello entre 2011 e 2013.


A sentenza considera que o rexedor realizou os contratos "a propósito de que faltaba á publicidade" do concurso para que calquera persoa puidese acceder ao posto "de acordo aos principios de mérito e capacidade básicos en calquera contratación pública".


Así, a maxistrada entende que o alcalde fora informado "verbalmente e por escrito" tanto pola Secretaría do Concello como por parte de Intervención de que os contratos "incumprían o procedemento de selección" e que supoñían un "risco" para que os traballadores pasasen a formar parte do persoal como indefinidos.


Na súa argumentación, a xuíza incidiu en que os responsables de Secretaría e Intervención no Concello de Xinzo durante este período ratificaron en sala que "o alcalde coñecía os informes desfavorables" emitidos por ambos os departamentos pero que o rexedor "o único que dicía era que había que cubrir o posto".


Durante o xuízo, Antonio Pérez recoñeceu asinar os expedientes de contratación sen lelos porque "confiaba" na palabra do secretario do Concello, que lle dicía "que non había anomalías".


A sentenza non é firme e contra ela cabe interpoñer recurso de apelación ante a Audiencia Provincial de Ourense no prazo de dez días hábiles desde a data da súa última notificación ás partes.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress