A gripe mata a 23 pacientes galegos nunha semana
Todos os falecidos, que suman 130 durante este inverno, tiñan indicado poñerse a vacina. Con todo, case a metade deles non chegou a vacinarse.
As persoas falecidas con gripe na Comunidade galega ascenden a 130 desde o inicio da tempada actual, o que supón 23 máis que hai unha semana, na que había 107 rexistradas.
Así se reflicte no décimo cuarto informe de 'Vixilancia da gripe en Galicia' publicado polo Servizo Galego de Saúde (Sergas) e recolleito por Europa Press, correspondente á semana que terminou o 11 de febreiro.
Das 130 persoas falecidas en Galicia todas tiñan indicada a vacina antigripal, ben por idade ou ben por ter factores de risco para padecer unha gripe complicada, e 57 delas non estaban vacinadas.
Segundo despréndese do último informe sobre a gripe publicado polo Sergas, na actualidade permanecen ingresados 364 pacientes con gripe confirmada en hospitais de Galicia.
Desde o inicio da tempada declaráronse 2.508 casos con gripe confirmada en Galicia, 367 máis que hai unha semana, dos cales o 66 por cento tiña o virus da gripe B; o 2,2%, gripe A e B; e o resto virus da gripe A.
O Sergas sinala no documento tamén que o 91 por cento do total dos pacientes ingresados durante esta tempada tiñan indicada a vacina antigripal e, deles, o 50 por cento non a poñían.
TENDENCIA ESTABLE
O número de chamadas atendidas no 061 por gripe e outras infeccións respiratorias agudas (IRA) mostra unha tendencia estable con respecto á semana anterior e destaca que o nivel de intensidade "continua baixa". Pola súa banda, en Atención Primaria nesta semana a vixilancia baseada nos rexistros informatizados de gripe do Sergas mostra un "discreto descenso" fronte á anterior.
A gripe mata a 23 pacientes galegos nunha semana
Escribe o teu comentario