​Bruno Gama reprocha nunha carta a forma na que saíu do Dépor

|

Bruno gamaCritica a "falta de consideración". Foto: RC Deportivo

"Non era a forma da que me gustaría irme do Dépor", recoñece Bruno Gama nunha carta feita pública coa que se despide da afección e dos seus compañeiros.


O futbolista móstrase crítico coas formas, afirmando que lle comunicaron a decisión de prescindir del "a unhas poucas horas do peche de mercado cunha simple chamada e inmediato correo electrónico".


"Sempre serei un deportivista", proclama na súa despedida.

Ola Deportivistas,

Despois de todo o que vivín neste gran Club non podía non despedirme de vós.

Primeiro, darlles as grazas a todos os meus compañeiros por todos os momentos vividos xuntos nestes anos, tanto no campo e o vestiario como fóra del. Grazas aos fisioterapeutas, readaptadores, corpo médico, utilleros e resto de traballadores cos que compartín tempo en Abegondo, e en especial, darlle as grazas á gran afección do Club que me fixo sentirme apoiado e querido durante todo este tempo, tempo que gocei moito e durante o que vivín momentos inesquecibles MOITAS GRAZAS!

En segundo lugar, quería dicirvos que esta non era a forma da que me gustaría irme do Depor, pois a actitude que tiveron, demostra unha falta de consideración cara ás persoas, contactando co xogador a unhas poucas horas do peche de mercado cunha simple chamada e inmediato correo electrónico. Sei que este non é o Depor, se non algunhas persoas que traballan nel. A pesar de todo, eu quérome quedar cos bos momentos que vivín neste gran Club.

Unha vez máis, darvos as grazas a todos e desexarvos moita sorte, sempre serei un deportivista máis.

Un abrazo forte para todos, Bruno Gama.


relacionada ​O Dépor pecha o mercado sen ningunha chegada máis e coa saída de Bruno Gama

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress