​Un Comité Federal marcará os prazos do PSdeG para elixir candidatos

|

Gonzalo cabaleiro rpCaballero ve ao PSdeG "recuperando o pulso". Foto: PSdeG

O líder do PSdeG, Gonzalo Caballero, destacou a "liberdade de acción" das asembleas locais do Partido Socialista para elixir as súas executivas e asegurou que a súa formación está "a recuperar o pulso" para ser alternativa ao Partido Popular en Galicia.


Caballero pronunciouse deste xeito ao ser preguntado pola reestruturación local que o PSOE levou a cabo nas últimas semanas, un proceso que enmarcou na renovación emprendida polos socialistas a todos os niveis e que arrincou coa reelección de Pedro Sánchez como secretario xeral en maio de 2017.


CANDIDATOS


Ademais, preguntado pola posibilidade de que o ex alcalde de Santiago de Compostela Xosé A. Sánchez Bugallo volva optar á alcaldía da capital galega polo PSOE, Caballero asegurou que será o partido e a militancia quen determine os aspirantes.


"Estamos na fase de recuperación orgánica e, cando abramos o proceso de renovación de candidaturas, o partido e a militancia determinarán quen debe ser os candidatos", sinalou para mostrarse convencido de que se escollerá "aos mellores".


Precisamente, para a cita local coas urnas de 2019, Gonzalo Caballero explicou que o PSOE celebrará o próximo 17 de febreiro un Comité Federal no que se establecerán os regulamentos que van determinar como son os procedementos e os prazos para elixir os candidatos e candidaturas.


"A delegación galega estaremos nese comité federal contribuíndo e pendentes de como sexan ese conxunto de regras que imos elaborar para, a partir de aí, en clave galega, poder concretar prazos e candidaturas", indicou.


RECUPERACIÓN


Na súa intervención, tamén aproveitou para destacar que o Partido Socialista de Galicia está "a recuperar o pulso" que lle permite ser "alternativa crible, posible e forte" fronte ao Partido Popular.


Caballero estendeu esta recuperación ao PSOE estatal xa que, na súa opinión, a última enquisa do Centro de Investigacións Sociolóxicas (CIS) mostra que se "abriu un ciclo de recuperación electoral tras a elección de Pedro Sánchez como secretario xeral".


relacionada Lara Méndez, con "ganas" de repetir candidatura nas próximas municipais
relacionada Podemos Galicia marca as “liñas vermellas” do partido para 2019

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress