O Dépor fai oficial a chegada de Seedorf como novo adestrador
O holandés asina para o que queda de tempada. A súa experiencia no banco limítase ao Milan e ao Shenzen chinés.
Asina ata final de tempada. Foto: RC Deportivo.
O técnico holandés Clarence Seedorf converteuse esta tarde en novo adestrador de Dépor para o que resta de tempada, tal e como informa o club a través da súa web.
"Tras unha brillante carreira como futbolista en Ajax, Sampdoria, Inter, Real Madrid, Milan e Botafogo, con case 900 partidos e 5 Ligas de Campións con Ajax, Real Madrid e Milan, iniciou a súa andaina como técnico dirixindo os Rossoneri en 2014, 22 partidos. Antes da súa chegada á Coruña tamén adestrou ao Shenzhen chinés en 14 choques", destaca o club herculino.
Clarence Seedorf chega acompañado do técnico Valerio Fiori. Segundo varios medios, é o 'plan C' para dirixir ao primeiro equipo deportivista e conseguir a salvación.
O ridículo en Anoeta fulmina a Parralo
O Dépor déixase ir e encaixa outra goleada contra a Real
Tino Fernández: "Os que máis fichan adoitan ser os que descenden"
Escribe o teu comentario