A plataforma de vítimas do accidente do tren Alvia que deixou 80 mortos en xullo de 2013 en Angrois (Santiago) pedíronlle por escrito unha reunión ao presidente do Goberno en funcións, o socialista Pedro Sánchez.
Demandan, ademais, que o xuíz cite a declarar a cinco cargos de Renfe e 17 de Adif que participaron en senllas reunións sobre a curva de Angrois e os saltos de velocidade na liña, respectivamente.