menores inmigrantes

De súpeto, Monforte converteuse no centro da actualidade de España. Primeiro, a Xunta escolleu a vila para aloxar ducias de menores emigrantes non acompañados que, a pesar de non querelos, debe acoller por mandato legal. Despois, un atentado queimou parte do centro da ONG onde vivirán. Falamos co alcalde e presidente da Deputación Provincial, que acusa a Xunta de usar os migrantes para desgastar o seu goberno e ao PP e a Vox de crear o caldo de cultivo do que agromou o ataque. O incendio da Ribeira Sacra e un posible adianto electoral son outros dos temas desta entrevista.