eleccións europeas

Ana Miranda é a candidata do BNG ao Parlamento Europeo e leva canda ela unha longa experiencia no lexislativo de Bruxelas. A día de hoxe, Miranda aposta por un voto de freo fronte o avance da ultradereita europea e para iso quere animar á xente máis nova para dar o seu voto a forzas progresistas. Doutra banda, cre que Galicia non ten voz abondo nas institucións europeas e proba diso son accións como o macroproxecto de Altri, as perdas en agricultura e pesca mais, sobre todo, na instalación de macroparques eólicos en terra e no mar. Quere que en Galicia se apliquen as normas europeas sobre o medioambiente e que os fondos europeos sexan mellor fiscalizados.