campos de concentración

Tras a caída do bando republicano na Guerra Civil, miles de galegos cruzaron os Pireneos buscando refuxio. Capturados tras a ocupación de Francia, estes homes foron marcados como apátridas e condenados ao exterminio a través do traballo en lugares como Mauthausen.
 

Carlos Lozano é investigador e profesor. O pasado día 31 de xaneiro participou no acto organizado pola Comisión Executiva Municipal do PSdeG de Ourense conmemorando o Día das Vítimas do Holocausto. Na súa intervención, Carlos Lozano trouxo á memoria aos máis de 200 galegos que pasaron por campos de concentración nazis, sobre todo en Mathausen. Debullou os motivos polos que estas persoas caeron en lugares como ese campo e tamén como aínda despois de pasar fatalidades, deberon sufrir o esquecemento e mesmo o espolio da ditadura franquista e de xente sen escrúpulos.