Case dous anos de cárcere para o veciño de Vigo que afogou ao can da súa noiva no cubo da fregona

O Xulgado do Penal número 3 de Vigo condenou a un ano e oito meses de cárcere a un home por afogar no cubo da fregona ao can da súa noiva tras unha discusión, causándolle a morte ao animal.

Así, a xuíza considérao responsable dun delito contra animal doméstico, condenándoo a unha pena dun ano e oito meses de prisión, así como a tres anos e medio de inhabilitación especial para o exercicio de profesión, oficio ou comercio relacionado con animais e para a tenencia de animais.

Ademais, en concepto de responsabilidade civil, o home terá que indemnizar á muller con 5.000 euros polo prexuízo moral ocasionado e o valor do animal, así como os gastos da autopsia do mesmo.

Segundo o relato de feitos probados da sentenza, todo ocorreu na noite do 10 de xuño de 2023, cando o acusado foi recoller á súa parella por aquel entón ao traballo. Nun momento dado, iniciouse unha discusión entre ambos, que continuou cando chegaron ao domicilio que compartían.

Alí, cando ela foise ao seu dormitorio, o noivo "co fin de menoscabar a integridade e a vida" do animal, agarrouno mantendo a cabeza da cadela mergullada na auga dun cubo de fregona que estaba no salón.

Cando a muller o sorprendeu, sacou á cadela da auga e tratou de reanimala, pero o animal faleceu. Pola súa banda, o acusado díxolle: "Un problema menos".

Por todo iso, foi condenado a un ano e oitos meses de prisión. A pesar de todo, a sentenza é recorrible ante a Audiencia Provincia de Pontevedra.