Nove persoas feridas nun accidente con catro vehículos implicados en Vigo

Nove persoas resultaron feridas, entre elas tres menores de idade, tras unha colisión múltiple entre catro vehículos na avenida de Europa, en Vigo.

Segundo indicou a Central de Emerxencias, o suceso tivo lugar arredor das 21:00 deste venres e foron varios parciulares os que chamaron para alertar da situación.

Así, un total de oito persoas foron trasladadas aos centros hospitalarios de referencia e unha delas tivo que se liberada ao quedar atrapada no interior dun dos vehículos implicados.

No operativo participou persoal sanitario do 061, ademais dos Bombeiros de Vigo, axentes da Policía Local da urbe olívica e os membros de Protección Civil da cidade.