8 anos de prisión por vender metadona e benzodiacepinas nun local dunha asociación en Vigo

Un home de 51 anos de idade enfróntase a 8 anos de prisión como presunto autor dun delito contra a saúde pública, pola venda de metadona e benzodiacepinas nun local dunha asociación cultural de Vigo, que utilizaba como vivenda.

O home, que será xulgado este mércores na sección quinta da Audiencia Provincial de Pontevedra, con sede en Vigo , foi detido en setembro de 2020.

Segundo expón a Fiscalía no seu escrito de acusación, a Policía tiña sospeitas de que, nese local, poderíase estar a realizar algunha actividade ilícita, e nun dispositivo de vixilancia os axentes comprobaron que, durante a madrugada, numerosas persoas accedían ao interior do establecemento, que estaba pecho, a través dunha chamada telefónica previa desde o exterior.

O acusado podía ver desde denrto do local quen quería entrar, grazas a un circuíto pecho de cámaras, e así facilitarlle o acceso. Precisamente, aproveitando que unha das persoas que chamara estaba a esperar para entrar, a Policía accedeu ao interior.

No rexistro do local, os axentes atoparon oculta baixo o oco dunha escaleira unha caixa de plástico que contiña numerosos fármacos, considerados drogas que causan grave dano á saúde se se toman sen prescrición e control médico.

Durante o rexistro do local, os axentes atoparon oculta baixo o oco dunha escaleira unha caixa de plástico que contiña numerosos fármacos, considerados drogas que causan grave dano á saúde se se toman sen prescrición nin control médico.

Incautáronse así 136 pastillas de metadona de 5 mg, 133 de 10 mg, 17,5 unidades de metadona de 90 mg, 1.017 unidades de alprazolam, compoñente do Tranquimazin, de 2 mg, e 360 unidades de clorazepato dipotásico compoñente do Tranxilium, de 50 mg.

O Ministerio Público ha pedido por todo isto que sexan condenador a 8 anos de prisión, e ao pago dunha multa de 8.000 euros, por un delito contra a saúde pública.