Un traballador perde a man nun accidente laboral nunha planta de compostaxe de Leiro
O afectado sufriu a amputación do membro mentres traballaba cunha máquina.
Sobre o municipio ourensán de Leiro sobrevoou esta tarde o helicóptero medicalizado con base en Ourense do Servizo de Urxencias Sanitarias de Galicia-061. O seu destno foi unha planta de compostaxe onde tivo que atender a un operario que sufriu un terrible accidente laboral polo que perdeu a man.
SUCESO
Os feitos ocorreron ao redor das 17 horas nunha das naves da parroquia de Lamas. Desde alí deuse aviso de que un traballador sufrira a amputación dunha man durante os seus labores.
Segundo o relato trasladado ao 112, o operario cortouse cunha cadea mentres realizaba as súas tarefas. Tras recibir o aviso, desde o 112 deron parte ao 061, que trasladou até alí a aeronave para a atención máis inmediata ao afectado.
Até o lugar de traballo tamén se dirixiron axentes da Garda Civil e efectivos de GES de Avión. A vítima foi trasladado a bordo do helicóptero para recibir atención nun centro hospitalario.
Escribe o teu comentario