O mozo de 18 anos morto en Vos Gafeños, Pontevedra, faleceu de maneira accidental

A morte dun raparigo de 18 anos na tarde do martes na marxe do río Vos Gafeños, en Pontevedra, consternou a toda a cidade do Lérez, ante as sospeitas de que podería tratar dunha morte violenta, pois o mozo presentaba contusións por todo o corpo. No entanto, e a pesar de que testemuñas apuntaban a unha discusión da vítima con outra persoa minutos antes do suceso, a investigación apunta nunha dirección totalmente oposta.

SUCESO

A Policía Nacional, á fronte das investigacións, manifesta que a morte do mozo foi froito de dun accidente fortuíto non produto un acto violento, como se sospeitou nun primeiro momento, descartando neste punto a hipótese da agresión.

O mozo, segundo as investigacións, precipitouse á auga de maneira accidental, talvez por un tropezo, e na caída sufriu os golpes que foron advertidos polas sanitarias cando acudiron ao lugar. Foi durante o seu traslado en ambulancia cando confirmaron a morte do raparigo.

A causa da morte, a falta dos resultados definitivos da autopsia, apunta ao ahogamiento. O menor que acompañaba á vítima e que testificou tras o ocorrido corrobora a teoría dunha morte accidental. Tamén varias testemuñas prestaron a súa declaración e as autoridades tratan de recompilar as gravacións das cámaras de seguridade nas inmediacións da ponte de Rosalía de Castro para esclarecer o ocorrido e descartar por completo o crime.